das isch de e verruckte sport. aus ob eg die regle würd verstoh! bi mir ja nid so sicher obs überhoupt eini git. versuche das mou churz z erkläre. me spöut mit so nem bal wo e form het wie nes ei. 15 gäge 15. es git pünkt we me das eirige ding dür zwöi pföste vom gägner wirft bezihigswis kickt. oder aber mi dreit dr bal über die gägnerischi linie übere und leit ne den a bode. und wie chönt ou anders si: diejenigi manschaft mit de meiste pünkt het den gwune. es git aber pro träfer nid öpe ei punkt sondern zwüsche 2 und 5. wenn wievöu isch wahrschinlech vom schiri abhängig. ganz wichtig. dr bal dar nie nach vor gworfe wärde. nume imer rückwärts isch erloubt. auerdings darf er nach vore kickt wärde. sowit kapiert? nö, macht ou nüd. e churze uszug us em spiel vor 32 minute. dr arm cheib mit em numero 14 het dr bal und secklet nach vorne los. do stoht aber e gägner und es macht zack pung päng und 10 anderi liege uf ihm obe. eifach umghoue he si ne. blaui mönd si garantiert. wie ou immer. nüt für schwachi.
s stadium wird grad usbout für die d wm 2010 wo in auckland statfindet. s stadium befindet sech drü zugstatione vom zäntrum entfährtn. jetz muesch aber nid meine die hei so züg wie ir schwiz. nö nö, die gueti auti disulock isch unterwägs. gmüetlich gäu, nid jufle aber gäng chlei hü. scho d zugfahrt isch es eimoligs erläbnis gsi.
ah jo, fast hät egs vergässe. do no dr spielstand: auckland 14 : 16 north harbour
Keine Kommentare:
Kommentar veröffentlichen