s geböide vor schuel gränz unbitubar a albert park. natürlech gseht me ou dr sky tower. im albert park hets e hufe bänkli und ou e grosse brunne. eigentlech dr ideali ort um d mitagspouse z verbringe. so eifach isch das aber im septämber und oktober nid. us unerklärleche gründ isch es nach eire wuche plötzlech wider chöuter worde do in auckland. z chaud für die johreszyt und für mi gschmack au vöu z nass. zämefassend: 13 grad und räge vom morge bis am obe.
do no e chline tip: wens de langsam dunkler wird und d nacht abbricht sötisch e grosse boge ume albert park mache. es isch nid so ganz sicher wär sech den dört aues ufhautet. wenn päch hesch drifsch dr samichlous a und du wotsch mir ja nid säge das e brave bisch gsi.
Keine Kommentare:
Kommentar veröffentlichen