gibes ja zueh, bi nach em erste schueltag grad go güggsle. sgym isch nume 5 minute zfuess vor schuel entfärt. quizfrog: isch das e zuefall? husch husch düre albert park uf dvictoria street. esch e hügligi stross (up, down) am Sky Tower verbi richtig victoria park. übers sletzte högerli drüber und siehe da: ganz stouz stoht do es rötlechs gebäude mit der ufschrift LES MILLS world of fitness. mis härzli het grad schnäuer afo schloh. düf luft hole und ei schritt nachem andere is paradis setze. und do stoh neg, zmizt im gym. was geit eim do düre chopf? unbelievable! uf dr linke site befindet sech dr chleider shop, rächts isch e riesige foodcorner und grad us isch drezeption. jetz geits schlag uf schlag. personalie agäh, flyer über döffnigszyte entgäge näh und scho befinde eg mi ufenem rundgang. im houptgebäude befindet sech dr chraftrum. näbem houptgeböude isch e modärne glaspalast wo übernes brüggli diräkt verbunde isch. im erdgschoss louft grad e rpm lektion und step. dstäge ufe zum studio two: bodybalance. und zoberst isch s studio
one. dfreaks unter öich kenne das usem dvd.
Keine Kommentare:
Kommentar veröffentlichen