Bodypump with Glen and Susan

6:10 pm. NewZealand, Auckland, Victoria Street 186, Studio ONE. BODYPUMP is in the house. on stage: Glen and Susan.

das isch jetz aso no schwirig zum beschribe. du aus igfleischte pumper chasch mi ja sicher verstoh. s paradis uf ärde. jetz aber vo afang a. bi so um die füfne im gym acho. ha die änge pump-hösli und slibli montiert und richtig kraftrum glofe. gnuh zyt um no es haubs stündli ufs velöli go strample. wos den uf die sächsne zuegange isch si die erste pumpers idrutlet. im studio one isch no bodyattack am loufe. chum hei die fertig dehnet gits e flügende wächsu. hesch aso nid lang zyt zum z sache ufstöue. die metaligi pumpstange isch auerdings sehr gwöhnigsbedürftig. und es mäteli kene die ou nid. und scho hets warm up agfange. befor das egs so richtig mitbecho ha isch ou scho s cool down ar reihe gsi. über stund säuber gits positivs und negativs z brichte. am bode vom rum isch e art tepich. gar nid ideal für d squats und lunges. bechunsch irgendwie kei richtig guete haut. isch wahrschinlech ou chlei gwöhnigsbedürftig. d pump-lektion i 60 minute dürezbringe isch rise leistig. aber für die meiste teilnehmer nid grad agnähm gsi. zumindest ha neg dä idruck becho. und wenn no am gwicht wächsle bisch und düebig het scho agfange isch ja ou nid grad motivierend. wenn e afänger bisch wirsch nie meh wieder cho. ha leider vergäbens nach teilnähmer i pump-chleider usschou ghaute. jetz aber zu de positive aspäkte. cooli musik wird uf öich zuecho wie zum bispöu dr michael jackson (awesome). dr glen und susan zäme si eifach es unschlagbars duo. die heize so richtig i. mache e riese show uf dr bühni. mues jetz aber ganz erlech si. mir bi üs im "chline" fitneXX bringe die glichi stimmig übere. isch haut vöu persönlecher aus wenn uf dr bühni im ne rum mit schäzigswis hundert lüt bisch. wenn aber glägeheit hesch muesch das umbedingt säuber erläbe. ar dechi si blaulüchtendi liechter abrocht. dr hintergrund vor bühni isch belüchtet wie im video und was am meiste fasziniert isch dr blick nach links usem feister. was gsehsch dört? natürlech dr Sky Tower i sire vouer grössi.

zämefassend: e troum isch in erfülig gange. vier täg ohni sport si eifach dr horror gsi für mi und den grad so ne ufregendi und unglaublechi pump-lektion. what do you need more? jep, do it again. forever BODYPUMP with GLEN and SUSAN

P. S. s isch leider nid erlobt im gym föteli mache, sorry. dr nöchsti flüger nach auckland startet i vier stund. wenn bresirsch längs dr...