RPM

was isch jetz das wider cheibs. ganz eifach dine velöle ohni das me vorwärts chund. macht den das spass. und op! chasch sogar im winter mit churze hose velöle und nass wirsch nume vom eigende schweis.

churz zum rum. 60 velöli uf öpe 20 quadratmeter. oder anders gseit velo a velo. und den nid öpe die swinn velo wo dr vom fitneXX chened. nö, die gliche wos im david gym het. so what, drufstiege, iclicke, widerstand wähle und afo drampe. was fält jetz no? genau, fäzigi musik. e typischi rpm lektion geit 50 minute. isch es interwal trainig wo sehr vöu kalorie verbrucht.

puuhhhhh, isch as scho asträngend gsi. aber es eimaligs erläbnis. zum glück hets nid so vöu lüt cha und eg ha doch no gnuh luft becho. wen dä rum de aber mou würklech vou isch wirds scho ganz schön heis und stickig. qualität wird ebe nid dur d azahl vo de velos bestimmt. eg erloube mir e verglich mit em fitneXX und mues säge: hut ab, do isch öises equipment und dr rum vöu besser. s einzige wo bi üs fält isch haut s orginal rpm vo les mills. however, ride it like you stole it...