d insu motuihe liegt öpe e haub stund entfärnt vom hafe vo auckland. e haub stund mit dr fähry natürlech. d insu säuber isch nid so gross. zwöi kilometer läng und ar schmauste stöu grad mou 100 meter breit. hesch rächt, user es par vogu-arte läbt niemert uf dere insu. jetz frogsch di sicher was me de uf däre verlasnige insu am ne suntig macht? gits irgendwelchi turiste-attraktione z bewundere?
um die froge z beantworte mues eg chlei ushole. im läbe vomenem mänleche wäse gits drü sache wo me umbedingt mues mache. e lehr, d outopruefig und e boum pflanze. du hesch richtig gläse: e boum pflanze! wiso? ganz eifach: sovöu böim wie de duesch pflanze sovöu chinder wirsch eines tages ha. wivöu das eg pflanzt ha blibt mis gheimnis.
d regierig het beschlose döu insle wider ufzforste wöu si leider vor johre sehr unsampft si grodet worde um mit em houz hüser z boue. e wichtige part isch natürlech das me d bevöuckerig duet involviere und sensibilisiere was di vorhärgehendi generation so aues verbockt het. drum cha d bevöuckerig im frühlig häufe bim ufforste und go böim pflanze. natürlech isch das e soziale alas und bechund aus dankeschön e warmi mahlzit spändiert.
eg cha mir chei bessere ort vorstöue um e boum z pflanze aus ufere verlasnige insu vo sech kiwis und anderi vogu-arte guetnacht säge. es isch natürlech pflicht i nes par johr cho luege wie sech dr boum entwicklet het.
uf em erste böudli gseht me s hilton hotel wo ufere platform boued isch und diräkt am hafe liegt. bi jetzt uf dr suechi nach sponsore wöu e übernachtig sehr dür isch. mini konto-numere 5679.147-89. jetz weisch ja sicher nid wievöu das söusch izahle drun mach eg drs chlei eifacher. chasch eine vo dene drü beträg izahle: $1.00 $10.00 $100.00.
.
was cha neg süsch no so verzöue? a jo, dr hafe vo auckland isch sehr idrucksvou. bi sicher di si logistisch vöu besser organisiert aus so mängi firma ir schwiz. natürlech isch di arbeitgäber usgschlose :-) aber gäu wen dr conteiner de ufem fausche schiff isch...
Samstag, 10. Oktober 2009
Abonnieren
Kommentare zum Post (Atom)
Das sind aber vielversprechende Fotos Ralf.
AntwortenLöschenAufgrund dessen kann man deuten, dass bei euch der Sommer Einzug hält. :-)
Liebe Grüsse aus der baldigen kalten Schweiz
Jürgen
kia ora switzerland
AntwortenLöschend tämperature göi langsam ufwärts :-) aber dr räge loht leider noni noche. aber a däm suntig het würklech aues gstume...