kurioses #4

ufem wäg zum gym loufe neg entlang dr vicotria street und ufenem geböude isch das grosse wärbeplakat. jetz isch dini fantasie gfrogt. bi nämlech gspant uf dini vermuetig für weles produkt das do wärbig gmacht wird. e chline typ: es isch nid dr nöi james bond föum.

kurioses #3

was wotsch do no gros derzue säge. absolut mini meinig. wen zvöu energie hesch chunsch mou is pump. ganz e gueti ide das me über das thema redet.

coromandel part 4

dr captain cook isch däjenig wo zerst neuseeland entdeckt het. die küste wo är a land gange isch dreit si name und natürlech isch s ganze dorf irgendwie mit däm name verbunde. eg has mir natürlech nid lo entgo und mine ou es dänkmal vo däm gschichtsträchtige ort mit hei.

es witers highlight vo öisere tour isch d cathedral cove. e 40 minütige fuesmarsch mues me auerdings scho ufsech näh um a dä wunderschöni strand z glange. es föteli düre föuse chört i jedes fotialbum vo coromandel. dämentsprächend hets ou scho zahlrichi touriste cha. es föteli im richtige winkel und scho het me s gfuhl dr strand chört eim ganz eleihni. cathedral cove nimt definitiv e platz under de top ten vo de schönste stränd vo mire reis i.

coromandel part 3

we me dürs landesinere churfet um vor west zur ostküste z cho merkt me erst wie vöu wald das es in coromandel het. uf dere fahrt wirds eim nie längwihlig. absits vor zivilisation drift me do und dört uf es par hüsli und damit dr pösteler ou weis i wele briefchaste zitig chund sie d strose ou bestriftet. das macht ja durchus sinn. was hingäge meh verwunderlech isch sie die stroseschöuder wo plötzlech ufdouche. zwöi lüt wo über d stros seckle. bi sicher das schöudli isch spezielle für die gägend agfertiget worde und beschribt d situation ganz genau. meh aus zwöi lüt wirsch nie glichzitig gseh.

uf dr ostküste gits chlei absitz vor houpstros d otama beach. e gheimtip wie neg vermuete. d abzwigig isch ganz unuffällig und nach rund eim kilometer chund es churzes stück kieswäg. sinn und zwäck? wahrschinlech söu das d touriste abschrecke um no witer dört hingere z fahre. wenn aber am vortag in port jackson bisch gsi würkt das irgendwie lächerlech.

übernachtet hei mer die zwöi nächt in whitianga. e ideale ort wöu er doch sehr zentral gläge isch und über es aktivs nachtläbe verfüegt. und wie imer ha neg ou dr richtig riecher fürs restaurant cha. tuatua heist das chline restaurant mitenem grosse ambiente (und wär verwunderets) im italiänische stil.

coromandel part 2

ganz z oberst vo coromandel isch port jackson. nume es schmaus kieswägli fühert a die einsami bucht. d gägend dört isch unbeschrieblech. wie usenem märliföum. eifach unbeschrieblech. es git sehr wahrschienlech nid vöu turiste wo dä ort göi go bsueche. me mues doch e gueti stund über stock und stei fahre und das isch nid für jederman und jedifrou s richtige. die perfekti rally strecki! s chrüze mit angerne fahrzüg isch ou nid so eifach. aber üse toyota corolla het das suverän gmeisteret. aus belohnig gits e unvergäsleche blick ine wäut wie us tusig und eire nacht. für jede naturliebhaber isch das s paradis. mir isch natürlech sofort e andere gedanke i sinn cho: das wär die perfekti biketour am suntig morge.

coromandel part 1

das wucheänd isch ganz es bsundrigs. es isch s Labour weekend. das bedüted am mäntig isch frei wöu d neuseeland irgendöpis zum fire hei. für üs isch das natürlech gläge cho und mir hei e drütägige usflug nach coromandel gmacht. coromandel isch e längzognigi haubinsu drü outo stunde entfährnt vo auckland. d fahrt dörthi füehrt überne 100 meter längi brüg vo nume eispurig befahrbar isch. chum het me dr fluss überquert isch me ire ganz andere gägend und zerste mou sit mire akunft in neuseeland isch so öpis wie feriestimmig ufcho. das het vermuetlech mitem schöne wäter z due cha. drü täg ohni räge gits ja in auckland nid. die haubinsle isch circa 80 kilometer läng und zwüsche 30 und 50 kilometer breit. i däm riesige waudgebiet gits es dörfli wo coromandel town heis. das isch öises ersti usflugsziel gsi. es verschlofnigs örtli. aber achtung: imer schön brav si, die hei ou e polizeiposte.

wie sechs fürne richtige öensiger chört wird ja am ziebelimäret wucheänd s bähndli gno für is dorf abe. das johr mit em einzige unterschied das das bähndli ufe hoger ufe gfahre isch. z oberst acho het me e wunderschöni ussicht über die schöni gägend.

dress smart

rund 30 busfahrt-minute südlech vo auckland isch dr dress smart. es riese outlet shopping center mit über 100 verschiednige läde. es paradis für aui di wo gärn göi go shoppe. das ganze heit nume ei hoge: d prise si nid würklech günstiger aus ir schwiz. we me ganz guet luegt findet me unter umstände es schnäppli und spart trotzdäm es par bazeli.

kurioses #2

aha, du bisch e outo freak und meinsch du hesch es cools kontrou-schöudli a dim outo? vilicht e drüstöuigi numere wie bispöuswis 123. sorry, mues di leider enttüsche aber das isch völlig uncool do in neuseeland.

Bodypump 72

BODYPUMP® 72 is all about making your class stronger,faster. How? By focusing on Bottom Halves and Partial Range movements, the rest phase is eliminated and the muscles are kept under tension for longer. Look forward to a challenging workout and an overall strength blast where active recovery is your only break! Brace your abs and prepare for more Bottom Halves than you bargained for in the Squats Track. Kelly Clarkson will motivate you to keep going with her huge hit I Do Not Hook Up. New Zealand’s own Dane Rumble sings Track 3 – Always Be There. Bottom Halves and Slow Bottom Halves will put your chest muscles under tension for a little bit longer than usual. Ouch! The good news is this will give you results faster. The Triceps Track is sweet like Sugar! Again, Bottom Halves are the name of the game.

Challenge yourself and go a bit heavier than normal in the rocky and upbeat Biceps Track. The Bicep Row returns, attacking your guns from a different direction. It’s back to the legs in the intense Track 7. The Lunges stick with the theme of the release – you guessed it – lots of Bottom Halves that will push up your heart and burn calories. TheShoulders Track is a tribute to the legend that is Michael Jackson – make sure you watch the DVD for this one! The range of motion in the Singles has been shortened to ¾ Range. Grit your teeth and hang on! Ciara and Justin Timberlake will take you through the Abdominals Track with Love Sex Magic. The mix of deep, lower abdominals work and the Walking Hover will chisel your six-pack and at the same time strengthen your core.

Warmup: If (Freemasons 2009 Re-Dub) – Freemasons Feat. Hazel Fernandes
Squats: I Do Not Hook Up – Kelly Clarkson
Chest: Always Be Here – Dane Rumble
Back: Perfect Day – Cascada
Triceps: Sugar - Flo Rida Feat. Wayne
Biceps: Know Your Enemy – Ricochet TV
Lunges: Gone - Lasgo
Shoulders: Beat It - Xeroxx
Abs: Love Sex Magic – Ciara Feat. Justin Timberlake
Cooldown: Careless Whisper – Badlands

a trip to motuihe island

d insu motuihe liegt öpe e haub stund entfärnt vom hafe vo auckland. e haub stund mit dr fähry natürlech. d insu säuber isch nid so gross. zwöi kilometer läng und ar schmauste stöu grad mou 100 meter breit. hesch rächt, user es par vogu-arte läbt niemert uf dere insu. jetz frogsch di sicher was me de uf däre verlasnige insu am ne suntig macht? gits irgendwelchi turiste-attraktione z bewundere?

um die froge z beantworte mues eg chlei ushole. im läbe vomenem mänleche wäse gits drü sache wo me umbedingt mues mache. e lehr, d outopruefig und e boum pflanze. du hesch richtig gläse: e boum pflanze! wiso? ganz eifach: sovöu böim wie de duesch pflanze sovöu chinder wirsch eines tages ha. wivöu das eg pflanzt ha blibt mis gheimnis.

d regierig het beschlose döu insle wider ufzforste wöu si leider vor johre sehr unsampft si grodet worde um mit em houz hüser z boue. e wichtige part isch natürlech das me d bevöuckerig duet involviere und sensibilisiere was di vorhärgehendi generation so aues verbockt het. drum cha d bevöuckerig im frühlig häufe bim ufforste und go böim pflanze. natürlech isch das e soziale alas und bechund aus dankeschön e warmi mahlzit spändiert.

eg cha mir chei bessere ort vorstöue um e boum z pflanze aus ufere verlasnige insu vo sech kiwis und anderi vogu-arte guetnacht säge. es isch natürlech pflicht i nes par johr cho luege wie sech dr boum entwicklet het.

uf em erste böudli gseht me s hilton hotel wo ufere platform boued isch und diräkt am hafe liegt. bi jetzt uf dr suechi nach sponsore wöu e übernachtig sehr dür isch. mini konto-numere 5679.147-89. jetz weisch ja sicher nid wievöu das söusch izahle drun mach eg drs chlei eifacher. chasch eine vo dene drü beträg izahle: $1.00 $10.00 $100.00.
.
was cha neg süsch no so verzöue? a jo, dr hafe vo auckland isch sehr idrucksvou. bi sicher di si logistisch vöu besser organisiert aus so mängi firma ir schwiz. natürlech isch di arbeitgäber usgschlose :-) aber gäu wen dr conteiner de ufem fausche schiff isch...

... muesch den ou nüme jufle.