t wie travelling

hesch ja gmerkt das eg ir letzte zyt nid so flisig es update gmacht ha. bi tag und nacht am lehre gsi für d prüefig. puhh, jetz isch si verbi und ändlech holiday. muesch ja nid meine das mes aus studänt nid sträng het. au bi mir het dr wecker am sächsi gschälet.

das isch mis nöie deheime für die nöchste vier wuche. nid ganz so gros wie mini jacht aber d stros isch ja ou nid so breit wie s meer.

wie geits witer? versueche dr bloog witer zfüehre und öich ufem loufende z haute. aber wie imer ohni garantie.

s wihnachtsgschänk bite no die wuche uf d post bringe süsch chunds nid rächtzitig in NZ a. mini nöi adrässe:

pumper Ralf
out of office street 10
3985 somewhere
new zealand

kurioses #5

nid unwit vom gym hanget folgendes wärbeplakat. wot a dere stöu natürlech chei schlichwärbig für irgend e sändig mache sondern es geit rein um mis änglish z erwitere. nachenem mehrstündige übersetzigsversuech bi neg zur folgender lösig cho: dreit dini frou makeup für is gym? eg wär beunruhigt. jetz mini aues entscheidendi feststöuig: ha no nie chört das es im gym gratis makeup git!

christmas bodypump with Emma

Emma wär? guggst du bp 72 dvd. aha, Emma Barry. do muesch di de warm alege, do geit post so richtig ab. AWESOME. power vo track 1 bis 10. und was endecksch de do no im hintergrund? genau studio ONE isch in wihnachtsstimig. bi dere atmosphäre chasch grad no chlei meh gwicht näh. three, two, one, here we go...

christmas in the town

ha imer gmeind dr sky tower isch s meist fotografierte objekt in auckland. aber über d wihnachtszyt isch es definitiv dr überdimensionali samichlous ar queen street. im ne spektakuläre ritual hei si s gsicht vom chlous enthült. das isch ou dr grund wiso das es par mändli ume samichlous imeturne. jetz chasch dr säuber usmache wie gross dr chlous tatsächlech isch. isch scho es chomisch gfühl zmizt im sumer wihnachte z ha.

auckland harbour

so, mini "chlini und bescheidnigi jacht" isch ändlech ou in auckland itrofe. grad rächtzytig den i wenige täg geits ja de uf reise. ha mir bis jetz no nie gedanke über d unterhaltsköste vo sore jacht gmacht. isch ja ou nid nötig, da dir ja aui so groszügig mim ufruef gfougt sid und e nid unbedütende betrag uf mis konto überwise heit. a dere stöu ganz härzleche dank.





















do no es biespöu vore "luxuröise und i mine auge chlei zu grosse jacht". do es par eckdate zur star princess: längi 290 m, breiti 36 m, tüfgang 8 m, max. gschwindigkeit 24 knote oder 44.5 km/h, max. passagiere 2600, crewmitglider 1200. ha fast so s gfühl das isch chei privati jacht...

Les Mills filming

awesome, awesome, awesome. finde kei anderi wörter um das z beschribe. just a perfect day :-) und wär cha scho säge das är im läbe einisch im rpm näbem les mills persönlech gstramlet het? so vili gueti begägnige mit mönsche vor ganze wält. ha mi brüeder us de philipine troffe vo jetz in auckland wohnt. s ganze bodypump team het am rpm filming teilgnoh. d familie ostergaard (Sarah + Glen) und dr Wolfgang from germany hei so richtig grocket uf dr bühni. vergässet dr superman. jetz chömet d superfrou us de usa. rpm 46 geit id gschicht i nid z letzt wägem hüratsatrag vom Wolfgang a sini zukünftigi Yasmin. s gliche göutet fürs bodypump 73. aues gueti musigstück. das geit so richtig unter d hut. black eyed peas: i gotta feeling. cascada is back: evacuate the dancefloor "BODYPUMP" is on stage.

FOREVER LES MILLS

kurioses #4

ufem wäg zum gym loufe neg entlang dr vicotria street und ufenem geböude isch das grosse wärbeplakat. jetz isch dini fantasie gfrogt. bi nämlech gspant uf dini vermuetig für weles produkt das do wärbig gmacht wird. e chline typ: es isch nid dr nöi james bond föum.

kurioses #3

was wotsch do no gros derzue säge. absolut mini meinig. wen zvöu energie hesch chunsch mou is pump. ganz e gueti ide das me über das thema redet.

coromandel part 4

dr captain cook isch däjenig wo zerst neuseeland entdeckt het. die küste wo är a land gange isch dreit si name und natürlech isch s ganze dorf irgendwie mit däm name verbunde. eg has mir natürlech nid lo entgo und mine ou es dänkmal vo däm gschichtsträchtige ort mit hei.

es witers highlight vo öisere tour isch d cathedral cove. e 40 minütige fuesmarsch mues me auerdings scho ufsech näh um a dä wunderschöni strand z glange. es föteli düre föuse chört i jedes fotialbum vo coromandel. dämentsprächend hets ou scho zahlrichi touriste cha. es föteli im richtige winkel und scho het me s gfuhl dr strand chört eim ganz eleihni. cathedral cove nimt definitiv e platz under de top ten vo de schönste stränd vo mire reis i.